السيسي للشعب: نحتاج ان نعبر الأسبوعين القادمين بأقل خسائر بإذن الله

0

الرئيس : كل الشكر لطاقم الأطباء والتمريض فأنتم تخوضون حربا كبري

الرئيس يوجه الشكر للحكومة والقوات المسلحة والشرطة والإعلام

الرئيس يطلب مساندة المرأة المصرية للخروج من أزمة كورونا ويشكر امهات الشهداء

البنوك كوم:

وجه الرئيس السيسي عددًا من الرسائل التي تهم المصريين أثناء لقائه، عددًا من السيدات المصريات من مختلف المجالات بمناسبة الاحتفال بعيد المرأة المصرية، بحضور الدكتور علي عبد العال، رئيس مجلس النواب، والدكتور مصطفى مدبولي، رئيس مجلس الوزراء، ووزراء التخطيط والتنمية الاقتصادية، والمالية، والصحة والسكان، والإعلام، والتضامن الاجتماعي، ورئيس المجلس القومي للمرأة أبرزها:

  • زيادة العلاوة الدورية السنوية للمعاشات لتكون بنسبة 14٪ اعتبارا من العام المالي القادم.
  • ضم العلاوات الخمسة للمعاشات للأجر الأساسى.
  • مد وقف قانون الضريبة على الأطيان الزراعية لمدة عامين
  • دعم البورصة المصرية بـ 20مليار جنيه من البنك المركزى.
  • أقول للمصريين .. متخزنوش السلع .. ومعندناش مشكلة فى أي مواد غذائية.
  • أتوجه بالشكر للأطباء .. أنتم تخوضون حربًا كبرى.
  • مش بنخبى عليكم أى شيئ يخص فيروس كورونا.
  • انا مش عايز اخوفكم بس بقول للمصريين عايزين نعدي الـ 14 يوم اللي جايين بأقل خساير عشان إن شاء الله  نبقي عدينا مرحلة مهمة ونعبر الفتره دي.
  • ماخبيناش عليكم حاجة من أول الأزمة ورغم ذلك يتم التشكيك. طب هنخبي عليكم ليه؟ هل الأمر قاصر على مصر فقط؟ لا ده في الدنيا كلها وأثاره على الدنيا كلها. احنا مش استثناء. نتعامل بشفافية كاملة. مستكترين إن ربنا حتى الآن محافظ علينا؟ وبالأخذ بالأسباب العلمية اللي بنعملها.

مش عايزين ننسى إن التشكيك جزء من استراتيجيتهم منذ 80 عاما وليس فقط منذ ظهور الأزمة. هنفضل طول ما احنا عايشين معاهم بيشككوا فينا. نتعامل بكل شفافية وخلينا نقعد أسبوعين كمان بمزيد من الالتزام والمسؤولية والانضباط. عايزين نلتزم علشان نخلي الأرقام متزيدش، أسبوعين بس كمان.

معندناش أي مشكلة في السلع فبلاش الناس تشتري بزيادة.

أتقدم للقطاع الطبي في مصر بكل التحية والتقدير والشكر.  تخوضون معركة مثل الحرب.

أشكر كل قطاعات الدولة التي تعمل على مدار الساعة وأشكر الإعلام الذي يقوم بدور رائع بصراحة. الأمر لم ينته حتى الآن.

لما قولت اننا خصصنا 100 مليار جنيه لازمة كورونا لقيتهم بيقولوا هتجبوهم منين؟ “هو احنا قليلين ولا ايه”

نتمنى نخرج من الأزمة بأقل الأضرار. الضرر مش اقتصادي بس لا، الأهالي غالية علينا. منحبش أبدا أن أهلنا كالتزام انساني وأخلاقي وديني كمان أنهم يتضرروا. ساعدونا بصمودكم وإصراركم. عايزين نعدى الـ 14 يوما اللي جايين بأقل الأضرار. لو قدرنا نعمل كده يبقى بدأنا نعبر مرحلة صعبة.

ساعدونا يا مصريين، عايزين مزيد من الالتزام والانضباط الاسبوعين دول عشان انتشار فيروس كورونا ميبقاش كبير في مصر.. عملنا إجراءات عشان نقلل حجم الاختلاط بين الناس.. احنا ١٠٠ مليون وبالتالي لازم ناخد بالنا اكتر من كده.

اترك رد